Bie interesimi për modelet e Škoda-s

[b]Bie interesimi për modelet e Škoda-s [/b]

[b] [img]https://i.servimg.com/u/f42/13/12/93/18/fff10.jpg[/img]
Kompania automobilistike çeke “Škoda Auto” planifikon që në javën e fundit të tetorit të ndërpres prodhimin në fabrikën, në Mladá Boleslav, për shkak të rënies së kërkesës për modelet e saj.[/b]
Sipas mediave çeke, të cilat i referohen deklaratës së Fred Kaplerit, anëtar i bordit të drejtorëve të kësaj kompanie, volumi i prodhimit pritet të zvogëlohet për 13.000 automobila.

"Kemi qenë të detyruar të ndërpresim planin e prodhimit për çerekun e fundit të këtij viti. Do ta ndërpresim prodhimin për pesë ditë”, ka thënë Kapler, duke kujtuar se fillimisht ishte planifikuar që prodhimi të ndërpritej vetëm për një ditë, më 31` tetor.

Kohë më parë, Škoda - e cila tash është pjesë e kompanisë gjermane Volkswagen – kishte bërë të ditur se në tregun botëror, në pjesën e parë të këtij viti, kërkesa për modelet e saj ishte rritur 18 për qind krahasuar me periudhën e njëjtë të vitit të kaluar.