Rama: Berisha të mos shkelë Kushtetutën

[b]Rama: Berisha të mos shkelë Kushtetutën [/b]

[b][img(210,210)]http://www.telegrafi.com/fo/rajon/f.1014044243343_m.jpg[/img]
Kryetari socialist, Edi Rama, i kërkoi të martën kryeministrit që të mos ndërhyjë në kompetencat e institucioneve dhe të respektojë shqetësimin e ngritur nga Shtetet e Bashkuara të Amerikës dhe Bashkimin Evropian.[/b]
Kreu socialist deklaroi se shefi i qeverisë nuk duhet të shkelë Kushtetutën dhe nuk duhet të kalojë jashtë kufijve dhe detyrimeve të tij ligjore.

Rama vlerësoi se deklarata e ambasadorëve të Bashkimit Evropian dhe po ashtu edhe deklarata e Shteteve të Bashkuara, janë kambana alarmi.

"Kryeministri duhet të mbyllë gojën në raport më probleme dhe procese që nuk kanë të bëjnë me detyrat e tij dhe duhet të hapë gojën para prokurorëve dhe të tregojë ato që di për ngjarjet që janë kthyer në shqetësim publik", u shpreh Rama.

Kryesocialisti akuzoi në një konferencë për shtyp kryeministrin e vendit se për shkak të interesave personale dhe klanore të lidhura me botën e përfitimeve të paligjshme ka futur qeverinë e vendit, mazhorancën parlamentare në një konflikt privat me Prokurorinë e Republikës.