Interi do t’i thotë lamtumirë San Siros

[b]Interi do t’i thotë lamtumirë San Siros [/b]

[img(210,210)]http://www.telegrafi.com/fo/sport/f.1015021854774_m.jpg[/img]
Stadiumi të cilin e ndajnë Interi dhe Milani, San Siro
[b]Mediat italiane përcjellin lajmin se presidenti i Interit, Massimo Moratti, deri në fund të këtij viti do të marrë dritë jeshile për të ndërtuar stadium të ri.[/b]
Gazzetta dello Sport ka shkruar se Interi tashmë e ka filluar procesin për ndërtimit e stadiumit të vet dhe ka filluar studimet dhe planet për çdo detaj.

Gazeta shkruan se deri në fund të vitit klubi italian do të marrë leje për ndërtimin e shtëpisë së vet, që do të duhej të futej në përdorim në sezonin 2012/2013.

Stadiumi i ri i nerazurëve me siguri do të jetë në stilin e Allianz Arrenës, një stadium modern me pesë yje dhe me kapacitet prej rreth 60000 ulëseve. Në kompleks do të duhet të ketë restorante, qendra shopingu, madje edhe lojëra për tifozët më të rinj.